Позитивно родителство и превенција од насилно однесување

02.12.2024

Сите активности, Активности

Во рамки на проектот „Промоција на безбедна училишна средина“, на ден 29.11.2024 година се одржа работилница за родители, организирана со поддршка на Прва детска амбасада Меѓаши / First Children's Embassy Megjashi и учество на нивниот претставник, Жарко Змијанац, а водена од психологот на училиштето Татјана Насевска Додевска.

На работилницата беа презентирани различни стилови на родителство, примери за позитивно однесување, како и практични насоки за превенција и справување со насилно однесување кај децата. Преку интерактивни активности, како „Дрво на очекувања“ и „Барометар“, се разви одлична дискусија и саморефлексија, кои помогнаа да се согледаат предизвиците и можностите за подобрување на родителските вештини.

Оваа работилница претставува значаен чекор во градењето на посигурна и поддржувачка училишна заедница. Силно веруваме дека заедно можеме да станеме подобри родители и да создаваме безбедна средина за нашите деца.