На 17.12.2025, во рамките на проектот „Меѓуетничка интеграција во образованието“ (МИО), беше одржана прекрасна работилница со учениците од петто и четврто одделение од нашето збратимено училиште „Кочо Рацин“ од Петровец. Работилницата се одржа во подрачното училиште во Мршевци со учениците од истите одделенија.
Заедно со своите наставници, учениците изработуваа новогодишни украси наменети за хуманитарниот новогодишен базар кој ќе се одржи на 25.12.2024 во нашето училиште. За време на работилницата, учениците имаа можност да се запознаат, да се дружат и соработуваа во креативната изработка на украсите.
Елка на желби беше круна на оваа работилница, каде децата ги споделија своите најискрени желби: добро здравје, среќа и љубов. Се виде дека сите деца зборуваат ист јазик – јазикот на другарството и заедничките соништа.
Работилницата заврши со мала предновогодишна забава, музика и насмевки.
Нека овој настан биде потсетник за значењето на толеранцијата, соработката и пријателството. Заедно сме посилни, затоа да продолжиме да градиме мостови на разбирање и почит.
Да славиме другарство, заедништво и убавината на различностите!