Важноста на заедничките моменти – кога семејството и училиштето создаваат магија! 🎄

21.12.2024

Сите активности, Активности

На 17.12.2024 година, во централното и двете подрачни училишта, се одржа креативна работилница со родители, ученици и членови од семејствата. Со голема љубов и посветеност, заедно изработувавме новогодишни украси кои ќе бидат дел од хуманитарниот новогодишен базар на 25.12.2024 година.

Учениците беа пресреќни, родителите креативни, а атмосферата – исполнета со радост, топлина и тимски дух.

Огромна благодарност до сите родители што беа дел од овој настан и што ги споделија овие важни моменти со своите деца. Токму вака се градат здрави врски полни со љубов, разбирање и поддршка.

Соработката меѓу родителите, наставниците и учениците е клучна за квалитетно образование и среќно детство. Продолжуваме заедно да ги создаваме овие убави приказни!