Во духот на љубопитноста и истражувањето, учениците од VI - VIII одделение се вклучија во различни активности за подобро запознавање со математиката и нејзиното значење низ историјата. Преку изработка на хамер, на кој беа претставени некои од најзначајните математичари и нивните достигнувања учениците истражуваа, подготвуваа материјали и со голем ентузијазам ги споделија своите откритија со соучениците.
Дополнително, беше организирана презентација во која учениците претставија интересни факти за математиката, поттикнувајќи дискусија за нејзината примена во секојдневниот живот. Тие исто така изработија 3Д фигури, користејќи ги своите вештини и имагинација за да ја визуелизираат математиката на креативен начин.
Овој посебен ден беше одбележан и во рамките на проектот Меѓуетничка интеграција во образованието, преку соработка со збратименото училиште ООУ„Кочо Рацин“ – Огњанци. Учениците од деветто одделение заедно со нивниот наставник, во договор со врсниците од збратименото училиште, заеднички изработија хамер со познати математичари. Оваа соработка не само што овозможи размена на знаења, туку и поттикна градење пријателства и почит кон различностите.
Преку вакви активности, математиката станува повеќе од само училишен предмет – таа станува инспирација за истражување, учење и развој на критичко размислување. Учениците имаа можност да ја доживеат на поинаков начин, да откријат како големите математички умови оставиле важен отпечаток низ историјата и да сфатат дека математиката е дел од секој аспект на нашиот живот.
Одговорни наставници
Јаким Ристовски
Елизабета Радевска
Halil Laci